Продажните салони на А1 Македонија се отворени, но со променето работно време и засилени мерки за заштита
Согласно мерките на Владата на РСМ за затворање на големите трговски центри со цел минимизирање на ризикот од ширење на коронавирусот, како дополнителна поддршка за превенција, нашата компанија почнувајќи од понеделник, 16.03.2020 година воведе посебен режим на работење во сите останати продажни салони.
Нашите продажни салони работат со скратено работно време од 10:00 до 18:00 часот, а за време на викендите од 10:00 до 14:00 часот.
Дополнително информираме дека ги преземаме сите мерки за заштита на нашите вработени и корисниците – посетители во продажните салони. Во оваа насока, секој продажен салон е снабден со дезинфекциски средства, објектите често и темелно се чистат, а секој вработен е обезбеден со заштитни ракавици и маска.
Препорачуваме корисниците максимално да ги користат дигиталните канали за плаќање на сметки. Дополнително користете ги каналите за телефонска и онлајн продажба за сите наши услуги и производи, кои бесплатно ќе Ви ги доставиме до Вашиот дом. Јавете се на бројот 077/1234 или направете онлајн нарачка според Вашите потреби. Нашите агенти ќе Ви помогнат и ќе одговорат на сите Ваши прашања за користењето на услугите.
Да ги почитуваме мерките за заштита на јавното здравје и да ги користиме дигиталните алатки за комуникација.
НазадПоследни новости
Слични содржини
А1 - Заедно сме со вас
10GB мобилен интернет и дополнителни бесплатни TВ канали, за сите
Дознај повеќе