Rregullat për porositjen e shërbimeve dhe produkteve përmes uebfaqes A1.mk

1. Hyrje

1.1. Lënda e këtyre Rregullave për porositjen e shërbimeve dhe produkteve përmes uebfaqes www.a1.mk është përcaktimi i kushteve për porositjen, pagesën dhe dorëzimin e produkteve dhe/ose shërbimeve të A1 Makedonija DOOEL Skopje (në tekstin e mëtutjeshëm: A1 Makedonija ose Operatori) përmes uebfaqes - www.A1.mk.

1.2 Përmes uebfaqes www.A1.mk mund të blihen shërbimet dhe produktet e mëposhtme:  postpejd shërbime të komunikimit elektronik, përmes lidhjes së Kontratës së re për lidhjen e marrëdhënies parapaguese për shfrytëzimin e shërbimeve publike të komunikimit elektronik me Operatorin ose ripërtrirjen e Kontratës ekzistuese për krijimin e një marrëdhënie parapaguese për shfrytëzimin e shërbimeve publike të komunikimit elektronik dhe nënshkrimin e dokumentacionit të mbetur të parapaguesit nëse është e nevojshme. (në tekstin e mëtutjeshëm: Dokumentacioni i parapaguesit), me ose pa blerje të pajisjes terminale;

• pako/opsione/promocione shtesë dhe SIM kartela për shërbimet e komunikimit elektronik pripejd për shfrytëzimin e modelit tarifor A1;
• Telefona celular dhe pajisje të tjera terminale (televizorë, laptopë, tableta, etj.).

1.3 Porositje të shërbimeve dhe produkteve përmes uebfaqes www.A1.mk ka të drejtë të iniciojë çdo person në përputhje me Kushtet e Përgjithshme për qasje dhe shfrytëzim të shërbimeve publike të komunikimit elektronik të A1 Makedonija (në tekstin e mëtejmë: Shfrytëzues).

1.4 Për shfrytëzimin e shërbimeve të komunikimit elektronik është e nevojshme që Shfrytëzuesi t'i plotësojë kushtet e përcaktuara në Kushtet e Përgjithshme për qasje dhe shfrytëzim të shërbimeve publike të komunikimit elektronik të A1 Makedonija DOOEL Shkup, të publikuar në ueb faqen www.A1.mk.

2. Procedura e porosisë

2.1 Për porositjen e produkteve dhe/ose shërbimeve përmes internetit Shfrytëzuesi duhet të hyjë në uebfaqen www.A1.mk ku është përshkruar një produkt ose shërbim i caktuar, nga ku ai fillon procesin e porositjes. Duke zgjedhur butonin "POROSIT", Shfrytëzuesi do të ketë mundësinë të zgjedh se cilin prej shërbimeve dhe produkteve nga oferta aktuale e Operatorit synon të porosisë/blejë. Çmimet e shërbimeve dhe produkteve të Operatorit janë të dhëna në uebfaqen ku bëhet porosia.

2.2 Shfrytëzuesi plotëson formularin elektronik në të cilin shënon të dhënat e tij personale dhe të dhëna të tjera të nevojshme për realizimin e porosisë, edhe atë: emrin dhe mbiemrin, numrin e amzës,vendbanimin dhe komunën, adresën e vendbanimit të Shfrytëzuesit, adresën e dorëzimit, numër valid të letërnjoftimit ose pasaportës dhe data e vlefshmërisë, numrin e telefonit për kontakt dhe e-mail adresën nëse është person fizik. Nëse bëhet fjalë për person juridik, shënohet edhe numri tatimor i personit juridik (NT). Operatori nuk mban përgjegjësi për pamundësinë e realizimit të porosisë së bërë për shkak të të dhënave të shënuara gabimisht nga Shfrytëzuesi.

2.3 Pas përzgjedhjes, Shfrytëzuesi shqyrton porosinë e bërë dhe konfirmon porosinë dhe zgjedhjen e shërbimeve dhe produkteve që ai synon të blejë nga Operatori.

2.4 Në procesin e konfirmimit të porosisë, Shfrytëzuesi duhet të deklarohet nëse ai pranon të kontrollojë aftësinë e tij kreditore. Nëse nuk pajtohet me një kontroll të tillë, procesi i konfirmimit të porosisë nuk mund të realizohet.

2.5 Pas plotësimit të informatave të kërkuara dhe konfirmimit të saktësisë dhe vërtetësisë së tyre, Shfrytëzuesi merr një njoftim në e-mail adresë e shënuar nga ana e tij për porosinë, që e njofton se porosia është marrë me sukses nga Operatori. Ky njoftim përmban të gjitha detajet e porosisë së bërë nga Shfrytëzuesi.

2.6 Pas konfirmimit të marrjes së porosisë, Operatori analizon porosinë e marrë nga Shfrytëzuesi dhe nëse konstatohet se ka ndonjë nga pengesat e parashikuara nga Kushtet e Përgjithshme për qasje dhe përdorimin e shërbimeve publike të komunikimeve elektronike të Operatorit ose futet të dhëna të pasakta/të paplota, agjentët e shitjes mund të kontaktojnë Shfrytëzuesin me telefon për të shpjeguar arsyet pse realizimi i porosisë së tij nuk mund të vazhdohet dhe faktin që është e nevojshme që Shfrytëzuesi të fillojë një porosi të re ku do të heqë pengesat e përmendura.

2.7 Nëse produkti i porositur nuk është në magazinë, në momentin e pranimit të porosisë, Shfrytëzuesit do t'i ofrohet të zgjedhë një produkt tjetër të përshtatshëm nga oferta e Operatorit. Nëse Shfrytëzuesi nuk zgjedh një produkt tjetër zëvendësues, porosia nuk do të realizohet. Nëse Shfrytëzuesi nuk zgjedh një produkt tjetër zëvendësues, dhe ka bërë pagesën pas porosisë, Operatori do të fillojë një procedurë për rimbursimin e mjeteve të paguara brenda 15 ditëve pas anulimit të porosisë.

3. Procedura e pagesës

3.1 Nëse në procesin e porositjes në uebfaqen mundësohen të gjitha parakushtet që blerja të bëhet në mënyrë elektronike, Shfrytëzuesi do të ridrejtohet në sistemin elektronik të pagesave për pagesën e çmimit sipas porosisë së bërë.

3.2 Në rast se janë të nevojshme kontrolle shtesë nga Operatori, nëse pas kontrolleve konstatohet se janë plotësuar kushtet paraprake për porosinë, Shfrytëzuesit i dërgohet një e-mail me link deri te uebfaqja e procesing-qendrës përmes së cilës kryhet pagesa pas porosisë së bërë. Në të njëjtën kohë, Shfrytëzuesit i dërgohet një kod unik, i cili do të duhet të futet në sistemin për pagesë elektronike për realizim me sukses të pagesës. Shfrytëzuesi duhet të paguajë porosinë brenda 24 orëve, në të kundërtën porosia do të konsiderohet e anuluar.

3.3 Pagesa do të bëhet me të gjitha kartat e kreditit ose debitit të lëshuara nga një bankë e autorizuar, me përjashtim të kartave American Express dhe Diners, me të cilat nuk mund të bëhet pagesa.

3.4 Pas kryerjes së pagesës, Shfrytëzuesit i dërgohet një mesazh elektronik në e-mail adresën e shënuar me konfirmim të pagesës.

4. Procedura e dorëzimit

4.1 Pas pagesës së kryer, Operatori përgatit dërgesën që do t'i dorëzohet Shfrytëzuesit, nëpërmjet një shërbimi të autorizuar të dorëzimit (dërgesa në varësi të produkteve dhe/ose shërbimeve të porositura mund të përbëhet nga dokumentacioni i parapaguesit që duhet të nënshkruhet nga Shfrytëzuesi, SIM kartelë dhe / ose pajisje terminale, nëse porositet e njëjta). Dorëzimi i dërgesës bëhet me shpenzimet e Operatorit.

4.2 Jo më vonë se 2 (dy) ditë pune nga dita e pagesës së kryer, shërbimi i dorëzimit do të kontaktojë Shfrytëzuesin për të përcaktuar datën dhe kohën e saktë të dorëzimit të dërgesës, e cila nuk do të jetë më e gjatë se 72 orë nga momenti i kontaktimit të shërbimit për dorëzim.

4.3 Dorëzimi bëhet në adresën e shënuar nga Shfrytëzuesi në formën elektronike gjatë krijimit të porosisë ose në një vend shtesë të rënë dakord me shërbimin e dorëzimit.

4.4 Në momentin e dorëzimit të porosisë, Shfrytëzuesi është i detyruar të identifikohet para përfaqësuesit të shërbimit të dërgesës për të konfirmuar identitetin e tij, duke siguruar qasje në letërnjoftimin ose në pasaportën e tij, pra dokumentin e identifikimit që përmban të dhënat personale të Shfrytëzuesit që janë futur në uebfaqen www.a1.mk gjatë krijimit të porosisë.

4.5 Pas konfirmimit të suksesshëm të identitetit të Shfrytëzuesit, përfaqësuesi i shërbimit të dorëzimit:

• siguron një nënshkrim të dokumentacionit përkatës të Parapaguesit nga Shfrytëzuesi (nëse shërbimet e porositura të telefonisë celulare nënkuptojnë lidhjen ose ripërtrirjen e një Marrëveshjeje për krijimin e një marrëdhënie parapaguese për përdorimin e shërbimeve publike të komunikimit elektronik me Operatorin). Një kopje origjinale e dokumentacionit të Parapaguesit i dorëzohet Shfrytëzuesit, ndërsa kopja tjetër i kthehet Operatorit; dhe/ose
• dorëzon dërgesën e cila mund të përmbajë një SIM kartelë, telefon celular ose pajisje të tjera terminale së bashku me dokumentacionin shoqërues për produktin (fletë garancie, faturë për pagesë të bërë) dhe/ose dokumentacionin e nënshkruar të Parapaguesit, ku Shfrytëzuesi duhet të nënshkruajë formularin e dorëzimit të dërgesës.

4.6 Pas dorëzimit dhe nënshkrimit të dokumentacionit të Parapaguesit nga Shfrytëzuesi, Operatori do të aktivizojë shërbimet, të cilat i nënshtrohen dokumentacionit të nënshkruar të Parapaguesit ndërmjet Operatorit dhe Shfrytëzuesit, brenda një periudhe jo më të gjatë se 5 (pesë) ditë pune nga momenti i nënshkrimit të dokumentacionit të Parapaguesit, nëse bëhet fjalë për shërbime publike të komunikimit celular, ose brenda një afati jo më të gjatë se 15 (pesëmbëdhjetë) ditë pune nëse bëhet fjalë për shërbime të komunikimit publik të ofruara në një vend fiks.

4.7 Procesi i dorëzimit të porosisë do të konsiderohet i pasuksesshëm nëse:

• shërbimi i dorëzimit nuk arrin të kontaktojë Shfrytëzuesin brenda 3 (tri) ditë pune llogaritur nga dita kur është përpunuar dërgesa dhe e cila i nënshtrohet dorëzimit në kuptim të pikës 4.1 të këtyre Rregullave për porositë përmes uebfaqes së www.A1.mk;
• Shfrytëzuesi refuzon të caktojë një takim me shërbimin për dorëzimin e dërgesës në kuptim të pikave 4.2 dhe 4.3, brenda 72 orëve nga momenti i kontaktit fillestar.
• Shërbimi i dorëzimit nuk e ka gjetur Shfrytëzuesin në adresën e shënuar në datën dhe orën e dakorduar të dorëzimit në kuptim të pikës 4.3 të këtyre Rregullave për porositë përmes uebfaqes www.A1.mk;
• Shfrytëzuesi nuk e ka konfirmuar identitetin e tij para personit të autorizuar të shërbimit të dorëzimit në kuptim të pikës 4.4 të këtyre Rregullave për porositë përmes ueb faqes www.A1.mk;
• Shfrytëzuesi refuzon të nënshkruajë në mënyrë të plotë dokumentacionin e parapaguesit ose formularin e dorëzimit të dërgesës që i është dorëzuar për nënshkrim, i nevojshëm për realizimin e porosisë së tij në kuptim të pikës 4.5 të këtyre Rregullave për porositë përmes uebfaqes www.A1.mk.

4.8 Gjatë praqitjes të ndonjë prej rrethanave të përmendura në pikën 4.7, porosia konsiderohet e anuluar nga Shfrytëzuesi, pas së cilës Shfrytëzuesit brenda 15 (pesëmbëdhjetë) ditësh i kthehet e gjithë shuma e paguar për porosinë në fjalë.

5. Shënime juridike

5.1 Shfrytëzuesi konfirmon se ai është i njoftuar me:

5.1.1 Operatori nuk do të mbajë përgjegjësi për ndonjë dëm të pësuar nga Shfrytëzuesi dhe/ose pale të treta si rezultat i përdorimit jo të duhur dhe/ose të paautorizuar të kartelës së pagesës, ose keqpërdorimit të saj ose përdorimit të paautorizuar nga një person i tretë pa dijeninë dhe pëlqimin e pronarit, as për dëmtime që mund të ndodhin si pasojë e ndërprerjes së lidhjes së internetit në momentin e kryerjes së pagesës online nëpërmjet procesing-qendrës. Operatori gjithashtu nuk do të mbajë asnjë përgjegjësi për ndonjë dëm eventual që do të pësonte Shfrytëzuesi si rezultat i përdorimit jo të duhur dhe/ose të paautorizuar të të dhënave personale të Shfrytëzuesit nga palët e treta, të cilat Operatori nuk i ka ditur ose nuk ka mundur të dijë se nuk janë përdorur nga vetë Shfrytëzuesi, pra se bëhet fjalë për keqpërdorim të të dhënave personale nga palë të treta.

5.1.2 Porosia do të konsiderohet e konfirmuar kur Operatori të ketë marrë informatë kthyese nga sistemi i pagesave të procesing-qendrës, se pagesa është kryer me sukses. Operatori nuk do të veprojë sipas porosisë pa një konfirmim pozitiv të pagesës së bërë më parë.

5.1.3 Përdoruesit që kanë bërë një pagesë të duhur të porosisë dhe ka marrë një njoftim me e-mail nga Operatori me një konfirmim të pagesës së suksesshme dhe nuk e kanë marrë shërbimin/produktin e paguar brenda afateve të përcaktuara në këto Rregulla për porosi përmes uebfaqes www.a1.mk, kanë të drejtë të paraqesin ankesë në përputhje me dispozitat ligjore që rregullojnë çështjen e komunikimeve elektronike.

5.2 Operatori ruan të drejtën që në mënyrë të pavarur të vendosë se cilat prej produkteve dhe shërbimeve nga portofoli i tij i shitjes do t'u vihen në dispozicion shfrytëzuesve të tij përmes shitjeve në internet përmes uebfaqes www.A1.mk.

5.3 Përpunimi i të dhënave personale të Shfrytëzuesit kryhet nga Operatori dhe shërbimi i dorëzimit i angazhuar nga Operatori në përputhje me rregulloret për mbrojtjen e të dhënave personale, duke marrë të gjitha masat e përcaktuara teknike dhe organizative për fshehtësinë dhe mbrojtjen në përpunimin e të dhënave personale me të cilat disponon. Të dhënat personale, të nevojshme për realizimin e blerjes dhe shitjes së produkteve dhe shërbimeve, nuk do të përpunohen për asnjë qëllim tjetër, përveç realizimit të porosisë së bërë përmes internetit. Më shumë informata për mënyrën e përpunimit të të dhënave personale dhe masat e ndërmarra nga Operatori për mbrojtjen e të dhënave personale gjenden në Deklaratën për mbrojtjen e të dhënave personale të publikuar në uebfaqen www.A1.mk.

5.4 Nëse Shfrytëzuesi konsideron se është dorëzuar produkt që ka cilësinë e duhur, dhe që nuk përshtatet për nga forma, madhësia, modeli, ngjyra, numri ose për arsye të tjera, ai mund të kërkojë zëvendësimin e tij brenda 15 (pesëmbëdhjetë) ditëve nga dita e blerjes së tij, nëse produkti nuk është përdorur, nëse është ruajtur pamja e produktit, veçoritë e përdorimit, vulat, etiketat e fabrikës, si dhe fatura e lëshuar nga Operatori pas pagesës së bërë nga Shfrytëzuesi.

5.5 Operatori ruan të drejtën të ndryshojë këto Rregulla për porositë përmes uebfaqes www.a1.mk të shërbimeve dhe produkteve përmes uebfaqes www.A1.mk në çdo kohë pa njoftim paraprak. Nëse vjen deri te ndryshimi i këtyre Rregullave për porosi përmes uebfaqes www.a1.mk, ato do të shpallen publikisht dhe do të jenë në dispozicion të shfrytëzuesve të uebfaqes www.A1.mk. Për porositë që janë në proces të realizimit,s zbatohen rregullat që kanë qenë të vlefshme në momentin e porosisë.