Добитници на подароци
на EURO 2020 квизот на знаење

Правила за доделување подароци во склоп на пролетната кампања под името “Мојот А1 - Квиз на знаење” за 2021 година

“Мојот А1 - Квиз на знаење” кој го приредува А1 Македонија (во понатамошниот текст: “Квиз”) ги опфаќа постпејд претплатниците на мобилни комуникациски услуги (тарифни модели кои вклучуваат говорна услуга), сите постпејд претплатници на услуги на фиксна локација (кои користат услуга поединечно или во комбиниран пакет) и корисници на припејд мобилни комуникациски услуги, кои редовно ја ажурираат и ја користат апликацијата “Мојот А1”.

Претплатниците/корисниците на услугите на А1 Македонија кои во периодот од 10.06.2021 до 21.06.2021 година редовно ќе ја ажурираат и ќе ја користат апликацијата “Мојот А1”, со платени сметки за услугите кои ги користат во А1 Македoнија, ќе добијат можност да учествуваат во Квизот и со даден точен одговор ќе имаат можност да добијат подарок кој може да биде: фудбалска топка или PlayStation 4.

Квизот е овозможен преку апликацијата Мојот А1, каде што секој претплатник/корисник кој ќе пристапи на самата апликација, со логирање на својот личен профил, ќе има можност да учествува во Квизот кој го приредува А1 Македонија.

Претплатникот/корисникот кој ќе се согласи да учествува во Квизот потребно е да го предвиди резултатот на секој од натпреварите во Група Ц на Европското Фудбалско Првенство, во која група игра фудбалската репрезентација на Р.С.Македонија.

Станува збор за 3 (три) натпревари од Група Ц, каде секој претплатник/корисник кој ќе се согласи да учествува во Квизот ќе има можност да го внесе својот одоговор за секој натпревар поединечно.

Квизот почнува на ден 10.06.2021 година и секој претплатник/корисник кој се согласил да учествува има право најдоцна 1 час пред стартот на првиот натпревар од Група Ц да даде точен одговор за резултатот за тој натпревар, по кој рок ќе стартува Квизот за вториот натпревар и по истиот принцип на учество ќе продолжи и за другите натпревари од Група Ц.

Секој претплатник/корисник има право на учество со само еден одговор, за секој поединечен натпревар во Квизот. Само претплатниците/корисниците со точни одговори (одговори кои ќе бидат најблиски до резултатот на натпреварот) ќе бидат земени во предвид кога ќе се даваат подароци.

Вработените во А1 Македонија и нивното потесно семејство немаат право на учество во Квизот.

А1 Македонија ќе организира 3 (три) одвоени извлекувања за секој од натпреварите во Група Ц, при што по случаен избор ќе извлече по 30 (триесет) свои претплатници/корисници односно вкупно 90 (деведесет) претплатници/корисници, кои го исполнуваат условот наведен погоре и ќе им додели подароци, и тоа:

• За првиот натпревар во Група Ц игран помеѓу Австрија и Македонија, а оддржан на 13ти јуни 2021 година, ќе се доделат 29 (дваесет и девет) фудбалски топки;
• За вториот натпревар во Група Ц игран помеѓу Украина и Македонија, а оддржан на 17ти јуни 2021 година, ќе се доделат 29 (дваесет и девет) фудбалски топки;
• За третиот натпревар во Група Ц игран помеѓу Македонија и Холандија, а оддржан на 21ви јуни 2021 година, ќе се доделат 29 (дваесет и девет) фудбалски топки.

• За првиот натпревар во Група Ц игран помеѓу Австрија и Македонија, а оддржан на 13ти јуни 2021 година, ќе се додели 1 (еден) PlayStation 4;
• За вториот натпревар во Група Ц игран помеѓу Украина и Македонија, а оддржан на 17ти јуни 2021 година, ќе се додели 1 (еден) PlayStation 4;
• За третиот натпревар во Група Ц игран помеѓу Македонија и Холандија, а оддржан на 21ви јуни 2021 година, ќе се додели 1 (еден) PlayStation 4.

Подароците ќе се доделуваат по случаен избор, со помош на специјален софтвер;

Сите претпланици/корисници кои ќе добијат подарок од А1 Македонија ќе бидат контактирани со повик од страна на агенти од А1 Македонија, а нивните имиња ќе бидат јавно објавени на веб-страницата на А1 Македонија - www.A1.mk. Претплатниците/корисниците со самото учество во Квизот се согласуваат нивното име и презиме да биде објавено на веб-страницата на А1 Македонија - www.A1.mk, доколку истите бидат извлечени како добитници на подарок;

Доставата на подароците до претплатниците/корисниците ќе се изврши на адресата на добитникот на подарок, преку овластена компанија која врши поштенски услуги за достава;

Предавањето на подароците се извршува исклучиво лично на претплатникот кој е потписник на Претплатничкиот договор (за постпејд услуги на фиксна или мобилна услуга) или на корисникот на припејд услуги чии податоци се системски регистрирани, а кој добил подарок од А1 Македонија, со приложување на документ за лична идентификација (лична карта или пасош). Во случај кога ќе се извлече бизнис корисник (правно лице), подарокот ќе го преземе овластеното лице на правното лице со приложување на документ за лична идентификација;

Доколку од оправдани причини претпланикот/корисникот кој добил подарок, не е во можност лично да изврши преземање на подарокот, тогаш подарокот може да го преземе друго ополномоштено лице, со нотарски заверено полномошно, дадено од претплатникот/корисникот;

При евентуална неуспешна достава на адресата која претплатникот/корисникот ја има дадено на А1 Македонија, контактираните и потврдени претплатници/корисници кои добиле подарок може да ги подигнат своите подароци во деловните простории на А1 Македонија во Скопје (Плоштад Пресвета Богородица бр.1, Скопје) во рок од 90 (деведесет) дена од датумот кога бил известен преку агент од Контакт центарот на А1 Македонија, дека е добитник на подарок. Доколку во овој рок подарокот не се подигне од страна на претплатникот/корисникот, тогаш, претплатникот/корисникот го губи правото да го подигне доделениот подарок;

Подигнувањето на подарок се потврдува со потпишување на Изјава од страна на претплатникот/корисникот;

Подарок не може да се замени за пари, друга опрема или услуги;

Префрлувањето на подарок на друг претплатник/корисник не е дозволено.