15.06.2020

A1 Live Shop – прва виртуелна продавница на пазарот

A1 Македонија пред повеќе од еден месец ја воведе првата виртуелна продавница на пазарот, A1 Live Shop која нуди интерактивно, уникатно и единствено корисничко искуство. Со помош на разговор со А1 агент во живо, може да се добијат детални информации за услугите на А1 како и во било кој продажен салон. Со отворањето на A1 Live Shop, нашите колеги за прв пат се сретнаа со еден поинаков контакт со корисниците – виртуелен, а воедно поминаа и низ бројни обуки како најдобро би се подготвиле и би обезбедиле беспрекорна услуга за нашите корисници.

За предностите на A1 Live Shop и искуствата од изминатиот месец зборувавме со продажните агенти Ивана Картова, Моника Санева, Симона Ангеловска, Огнен Попов и Марио Атанасовски, за тоа кои се нивните досегашни искуства и кои се предностите на виртуелниот продажен салон.

Ивана Картова: A1 Live Shop е виртуелна продавница која е всушност комбинација од стандардна и онлајн продажба. Функционира како стандарден продажен салон, единствена разлика е што не морате да излезете од дома за да го посетите. Начинот на комуникација со продажните агенти е преку аудио и видео комуникација, односно, корисник се најавува преку web страницата www.a1.mk и има можност преку видео сигнал да ја гледа продавницата и изложените производи кои се наоѓаат во истата. Корисникот го гледа агентот со кој е во комуникација, додека агентот не го гледа корисникот.

Кои се предностите на A1 Live Shop и што всушност добиваат корисниците?

Огнен Попов: На едноставен начин, преку нашата веб страница, од која било локација, корисниците може да се информираат за нашите услуги. Доколку се заинтересирани, може да ги искористат промоциите и без непотребно чекање да бидат услужени. Виртуелната продавница им овозможува поинаков пристап и едно уникатно искуство, каде корисниците ги добиваат сите наши производи и услуги на домашна адреса и притоа заштедуваат време, а во овие вонредни услови го чуваат нивното здравје но и здравјето на другите.

За што најчесто се интересираат корисниците?

Моника Санева: Најчесто се интересираат за тековните промоции, обнови на постоечките договори, склучување на нови договори, како и за информации во врска со тарифните портфолија за фиксна и мобилна услуга.

Како може да се пристапи до A1 Live Shop?

Симона Ангеловска: Брзо и едноставно. Се што е потребно е корисникот да пристапи на нашата страница www.a1.mk, каде има опција да се започне разговор со продажен агент или со директен пристап на www.a1.mk/liveshop. Корисникот го внесува контакт бројот и добива повратен повик од наша страна со бројот +389 800 7 88 88 и се стапува во комуникација со првиот слободен агент.

Што се им е потребно на корисниците за да се поврзат со продажен агент од A1 Live Shop?

Марио Атанасовски: На корисниците им е потребен смарт уред или лап топ на кој имаат пристап до интернет, каде што преку страницата на www.a1.mk можат да стапат во контакт со некој од продажните агенти.

Кое е работното време на A1 Live Shop?

Ивана Картова: Работното време на А1 Live Shop е од понеделник до петок од 10:00 до 22:00 часот, и сабота од 10:00 до 16:00 часот.

Назад

Слични содржини

Card image cap

Помошта од вештачката интелигенција во деловните процеси

Кариерата ја започнав во класичниот маркетинг, во А1, а потоа се префрлив на работни места од областа на дигитализацијата. Така, моето моментално работно место...

Дознај повеќе
Card image cap

Новите A1 Business тарифи за целосно комуникациско решение за секој бизнис

Интервју со Ева Маѓар - Постар специјалист на маркетинг за деловни корисници

Дознај повеќе