17.03.2025

А1 Македонија е првата телекомуникациска компанија на домашниот пазар што нуди SkyShowtime

Скопје, 12.3.2025г. - Како дел од стратешкото партнерство на А1 Телеком Австрија Групацијата со стриминг платформата SkyShowtime, А1 Македонија станува првата телекомуникациска компанија на домашниот пазар што им ја нуди оваа стриминг услуга на корисниците со македонски превод.

По тој повод, како дел од специјалната понуда, А1 Македонија подготви подарок, SkyShowtime Standard пакет во период од 3 и 6 месеци, за сите нови корисници и оние кои ќе го обноват договорот на А1 Combo M односно А1 Combo L тарифа во комбинација со минимум една мобилна линија во наредниот период.

Со SkyShowtime, А1 корисниците можат да ги гледаат некои од најголемите светски блокбастер филмови, нови и ексклузивни серии и локална оригинална програма, вклучувајќи ги сите пет сезони од глобалната хит-серија Yellowstone и нејзините спинофови 1883 и 1923 година (втората сезона доаѓа во март), и наслови како Apples Never Fall, Douglas is Cancelled, Dexter: New Blood, Dexter: Original Sin, Landman, Lioness (s1-2), Star Trek: Section 31, Sweetpea, The Day of the Jackal, The Holdovers, The Tattooist of Auschwitz, Tulsa King и претстојните серии како што се Deadly Ties (Śleboda) и третата сезона од серијата Yellowjackets.

„Со големо задоволство објавуваме дека од денес го нудиме SkyShowtime, што претставува уште еден иновативен чекор на А1 Македонија кон обезбедување премиум содржина и супериорно корисничко искуство. Многу сум среќен што оваа услуга е достапна со македонски превод и титлови што ќе го направат ова искуство поудобно и попријатно, нудејќи премиум услуга која е уште повеќе прилагодена на потребите и желбите на корисниците“, изјави Методија Мирчев, Главен извршен директор на А1 Македонија.

„Нашата соработка со А1 Македонија ја одразува нашата цврста посветеност да инвестираме во локални партнерства и да испорачуваме неспоредливи искуства со врвна содржина на корисниците. Со здружување на силите со А1, ние сме воодушевени да ги прошириме нашите ексклузивни серии, блокбастер филмови и оригинална програма на клиентите, приспособени да ги задоволат нивните различни преференци и да го збогатат нивното искуство со стриминг “, рече Христина Георгиева, Главен бизнис директор на SkyShowtime.

По завршувањето на валидноста на подарокот, претплатата може да се плати како дел од месечната сметка за телекомуникациски услуги. Дополнително, сите постоечки постпејд корисници ја добиваат уникатната можност да ја активираат услугата за само 307 денари месечно. Услугата може да се активира преку апликацијата Мојот A1, преку веб-страницата на А1 Македонија, www.a1.mk и на сите продажни места на А1 Македонија. По завршувањето на периодот од специјалната понуда, цената на пакетот SkyShowtime Standard ќе изнесува 307 денари месечно.

Со збогатување на портфолиото на производи со содржините на светски познатата платформа за стриминг, А1 Македонија ја докажува својата посветеност во креирањето понуди за супериорно корисничко искуство и ја потврдува својата лидерска позиција на пазарот како компанија која носи иновативни дигитални решенија кои нудат уште поголема вредност за секого.

Контакт за медиуми: Emilija Zografska
mob: ++389 75 400505
e-mail: emilija.zografska@A1.mk

За SkyShowtime

SkyShowtime е најновата услуга за стриминг во Европа. Заедничко вложување на Comcast и Paramount Global, SkyShowtime го спојува најдоброто од Холивуд и локалната забава на едно место. Од филмови и оригинални серии од светски познатите брендови на Universal Pictures, Paramount Pictures, Nickelodeon, DreamWorks Animation, Paramount+, SHOWTIME®, Sky Studios и Peacock до SkyShowtime Original серии, SkyShowtime е новиот европски дом за врвна забава.

Лансиран на сите свои пазари во 2023 година, SkyShowtime е достапен во: Албанија, Андора, Босна и Херцеговина, Бугарија, Хрватска, Чешка, Данска, Финска, Унгарија, Косово, Црна Гора, Македонија, Норвешка, Холандија, Полска, Португалија, Романија, Србија, Словачка, Словенија, Шпанија и Шведска. Достапен е преку одредени телевизиски провајдери на некои пазари и на Apple iOS, tvOS, Android уреди, Android TV, Google Chromecast, LG телевизори, Prime Video Channels, Samsung Smart TV и на интернет.

Назад

Последни новости

Слични содржини

Card image cap

Известување

Ве известуваме дека на 12.11.2024 г. дојде до неочекуван прекин/деградација на услугите во реонот на Куманово. Имаше времен прекин на услугите за телевизија и интернет на Docsis технологија...

Дознај повеќе
Card image cap

Нови А1 Business Ultra тарифи за деловни корисници

А1 Македонија го лансираше новото А1 Business Ultra портфолио на мобилни тарифи за деловните постпејд корисници, креирано да обезбеди голем број придобивки за компаниите...

Дознај повеќе